ရော်နယ်ဒိုက ပေါ်တူဂီအတွက် အလွန်အရေးပါတဲ့ကစားသမားအဖြစ် ရပ်တည်နေဆဲဖြစ်တယ်လို့ မာတီနက်ဇ် အခိုင်အမာဆို
ပေါ်တူဂီလက်ရွေးစင်နည်းပြ ရော်ဘတ်တိုမာတီနက်ဇ်က ခရစ္စတီယာနိုရော်နယ်ဒိုဟာ အသင်းအတွက် အလွန်အရေးပါတဲ့ ကစားသမားတစ်ဦးအဖြစ် အခိုင်အမာရပ်တည်နေဆဲဖြစ်ကြောင်း ချီးကျူးပြောဆိုလာခဲ့ပါတယ်။ ပြီးခဲ့တဲ့ တနင်္ဂနွေနေ့က စပိန်ကို ပင်နယ်တီအဆုံးအဖြတ်နဲ့အနိုင်ယူခဲ့တဲ့ ယူအီးအက်ဖ်အေနေရှင်းလိဂ်ဗိုလ်လုပွဲစဉ်မှာ ရော်နယ်ဒိုဟာ ပေါ်တူဂီအတွက် ချေပဂိုးကို သွင်းယူပေးခဲ့ကာ လက်ရွေးစင်အသင်းအတွက် သူ့ရဲ့အရေးပါမှုကို ထပ်မံသက်သေပြသနိုင်ခဲ့ပါတယ်။
အာဂျင်တီးနားက မက်ဆီအပေါ်မှာ မှီခိုနေခြင်းမရှိကြောင်း စကာလိုနီ ပြောကြား
အာဂျင်တီးနားလက်ရွေးစင်နည်းပြ လီယွန်နယ်စကာလိုနီက အသင်းဟာ ဂန္ထဝင်ကစားသမား လီယွန်မက်ဆီအပေါ်မှာ မှီခိုနေခြင်းမရှိကြောင်းနဲ့ မက်ဆီပါဝင်သည်ဖြစ်စေ မပါဝင်သည်ဖြစ်စေ ပုံမှန်ခြေစွမ်းနဲ့ကစားနိုင်စွမ်းရှိကြောင်း အခိုင်အမာပြောကြားလာခဲ့ပါတယ်။
အင်္ဂလန်အသင်းကို နည်းပြအဖြစ်ကိုင်တွယ်ဖို့က သူ့ရဲ့အိပ်မက်ဖြစ်တယ်လို့ ဖွင့်ဟလာတဲ့ ဘက်ခမ်း
အင်တာမီယာမီအသင်းရဲ့တွဲဖက်ပိုင်ရှင် ဒေးဗစ်ဘက်ခမ်းက သူ့ရဲ့အိပ်မက်ဟာ အင်္ဂလန်လက်ရွေးစင်အသင်းကို နည်းပြအဖြစ်ကိုင်တွယ်ဖို့ဖြစ်တယ်လို့ ဖွင့်ဟပြောကြားလာခဲ့ပါတယ်။ မန်ချက်စတာယူနိုက်တက် ဂန္ထဝင်ကစားသမားဟောင်းဟာ ဘောလုံးကစားသမားဘဝမှအနားယူခဲ့ပြီးကတည်းက နည်းပြလောကထဲသို့ဝင်ရောက်ခဲ့သူမဟုတ်ပေမဲ့ အင်္ဂလန်အသင်းကို ကိုင်တွယ်ဖို့တော့ ဆန္ဒရှိနေတာဖြစ်ပါတယ်။ ဒါ့အပြင် သူက အင်္ဂလန်လက်ရွေးစင်နည်းပြဟောင်း ဂါရတ်ဆောက်ဂိတ်ရဲ့ အသင်းအပေါ်ချဉ်းကပ်မှုနဲ့ လူငယ်တွေမွေးထုတ်ပေးနိုင်ခဲ့တဲ့အပေါ် ချီးကျူးပြောဆိုမှုတွေပြုလုပ်ခဲ့ပါတယ်။
စပိန်ကိုနိုင်တာတာကြောင့် နေရှင်းလိဂ်ဖလားကို ပေါ်တူဂီဆွတ်ခူးပြီး ဝမ်းသာမျက်ရည်ကျတဲ့ ရော်နယ်ဒို
တနင်္လာနေ့နံနက်ကယှဉ်ပြိုင်ခဲ့တဲ့ ယူအီးအက်ဖ်အေနေရှင်းလိဂ် ဗိုလ်လုပွဲစဉ်မှာ စပိန်နဲ့ပေါ်တူဂီတို့ ထိပ်တိုက်တွေ့ဆုံခဲ့ကြရာ သာမန်ပွဲကစားချိန်အတွင်း ၂-၂ နဲ့သရေကျနေခဲ့ပြီး ပင်နယ်တီအဆုံးအဖြတ်ခံယူရာမှာတော့ ပေါ်တူဂီက ၅-၃ နဲ့အနိုင်ရကာ ဆုဖလားကိုဆွတ်ခူးနိုင်ခဲ့ပါတယ်။
ပေါ်တူဂီနဲ့ပွဲမှာ ပင်နယ်တီလွဲပြီးနောက် လက်ရွေးစင်ကစားသမားဘဝမှ အနားယူဖို့ရှိကြောင်း မိုရာတာပြောကြား
တနင်္လာနေ့နံနက်က ပေါ်တူဂီကိုရှုံးနိမ့်ခဲ့တဲ့ ယူအီးအက်ဖ်အေနေရှင်းလိဂ်ဗိုလ်လုပွဲစဉ်မှာ ပင်နယ်တီလွဲချော်ခဲ့တဲ့ စပိန်တိုက်စစ်မှူး အယ်လ်ဗာရိုမိုရာတာက လက်ရွေးစင်ကစားသမားဘဝမှ အနားယူဖို့အစီအစဉ်ရှိကြောင်း ဖွင့်ဟပြောကြားလာခဲ့ပါတယ်။
ပီအက်စ်ဂျီ သမိုင်းဝင် ချန်ပီယံလိဂ်ဖလားရခဲ့တဲ့အပေါ် ဘာနာကျည်းမှုမှမရှိဘူးလို့ အမ်ဘာပေ ပြော
ပြင်သစ်အသင်းခေါင်းဆောင် ကီလီယန်အမ်ဘာပေက ရီးရဲလ်မက်ဒရစ်နဲ့ ပူးပေါင်းပြီး တစ်နှစ်အကြာမှာပဲ ပီအက်စ်ဂျီအသင်းက သမိုင်းဝင် ချန်ပီယံလိဂ်ဖလားရခဲ့တာနဲ့ပတ်သက်ပြီး နာကျည်းတာမရှိဘူးလို့ ပြောပါတယ်။ အမ်ဘာပေက တနင်္ဂနွေနေ့မှာ ဂျာမနီနဲ့ ကစားမဲ့ နေးရှင်းလိဂ် တတိယနေရာလုပွဲမတိုင်ခင် စတုဂတ်မြို့က သတင်းစာရှင်းလင်းပွဲမှာ အခုလို ပြောခဲ့တာပါ။
ဘရာဇီးဘောလုံးလောကအကြောင်း အမြဲတမ်းမေးဖြစ်တယ်လို့ ရော်နယ်ဒိုရဲ့အသင်းဖော် ထုတ်ဖော်ပြောကြား
အယ်လ်နာဆာအသင်းစတား အန်ဂျယ်လိုကတော့ ရော်နယ်ဒိုဟာ ဘရာဇီးဘောလုံးလောကအကြောင်း အမြဲတမ်းမေးဖြစ်တယ်လို့ အခိုင်အမာပြောကြားလိုက်ပါတယ်။ အန်ဂျယ်လိုက ရော်နယ်ဒိုတစ်ယောက် ဘရာဇီးလိဂ်ကိုပြောင်းချင်နေပြီး ဖလာမင်ဂို ၊ ဆန်းတို့စ် ၊ ကိုရင်သီယန် ၊ ပါးလ်မီးရက်စ်စတဲ့အသင်း ၄ သင်းအကြောင်း အဓိကမေးဖြစ်တယ်လို့ ပြောကြားလိုက်ပါတယ်။ အယ်လ်နာဆာမှာဆက်မနေခင် ရော်နယ်ဒိုဟာ ဘိုတာဖိုဂိုအသင်းထံပြောင်းရွှေ့ဖို့ ချိတ်ဆက်ခြင်းခံခဲ့ရတာဖြစ်ပါတယ်။
နော်ဝေကို ဂိုးပြတ်ရှုံးပြီးနောက် အီတလီက ခက်ခဲတဲ့ အခိုက်အတန့်ကို ရောက်ရှိနေကြောင်း စပယ်လက်တီဝန်ခံ
အီတလီနည်းပြ လူချီယာနိုစပယ်လက်တီက ၂၀၂၆ ကမ္ဘာ့ဖလားခြေစစ်ပွဲမှာ နော်ဝေကို ၃-၀ ဂိုးနဲ့ ရှုံးနိမ့်ပြီးနောက် ခက်ခဲတဲ့အခိုက်အတန့်ကို ရင်ဆိုင်နေရတယ်လို့ ပြောကြားခဲ့ပါတယ်။ အော်စလိုမြို့မှာ ယှဉ်ပြိုင်တဲ့ပွဲမှာ အလက်ဇန်းဒါးဆော်လော့သ်နဲ့ အန်တိုနီယိုနူဆာတို့က နော်ဝေအတွက် ၂-၀ ဂိုးအထိ ဦးဆောင်ခဲ့ပြီး အာဆင်နယ်ကွင်းလယ်ကစားသမား မာတင်အိုဒီဂတ်က မန်ချက်စတာစီးတီးတိုက်စစ်မှူး အာလင်း ဟာလန်းအတွက် တတိယဂိုးကို ဖန်တီးပေးခဲ့ပါတယ်။ ဒီဂိုးတွေအားလုံး ပထမပိုင်းမှာတင် သွင်းယူခဲ့တာပါ။
စပိန်ကိုရှုံးနိမ့်ခဲ့လို့ စိတ်ပျက်မိကြောင်းဖွင့်ဟလာတဲ့ အမ်ဘာပေ
သောကြာနေ့နံနက်ကယှဉ်ပြိုင်ခဲ့တဲ့ ယူအီးအက်ဖ်အေ နေရှင်းလိဂ်ဆီမီးဖိုင်နယ်ပွဲစဉ်မှာ စပိန်ကို ၅-၄ နဲ့ရှုံးနိမ့်ကာ ဗိုလ်လုပွဲနဲ့လွဲချော်ခဲ့ရပြီးနောက် ပြင်သစ်စူပါစတား ခီလီယန်အမ်ဘာပေက ရလဒ်အတွက်စိတ်ပျက်မိကြောင်း ဖွင့်ဟပြောကြားလာခဲ့ပါတယ်။
ပီအက်စ်ဂျီ စူပါစတားနှင့်ပတ်သက်တဲ့ အမှားတွေကို ပြောကြားလိုက်တဲ့ ဘာစီလိုနာအကြီးအကဲဟောင်း
ဘာစီလိုနာ အကြီးအကဲဟောင်းတစ်ဦးက အူစမန် ဒမ်ဘီလီ ဘာစီလိုနာတွင် မအောင်မြင်ရခြင်း အကြောင်းရင်းများနှင့် ပီအက်စ်ဂျီ ကြယ်ပွင့်အတွက် ဘာတွေပြောင်းလဲသွားလဲဆိုတာ ရှင်းပြခဲ့ပါတယ်။ ၂၀၁၇ ခုနှစ်တွင် ဒေါ့မွန် မှ ဘာစီလိုနာသို့ ခေါ်ယူရာတွင် အဓိကကူညီပေးခဲ့သော အားကစားဒါရိုက်တာဟောင်း ရောဘတ် ဖာနန်ဒက်စ် က ဘာစီလိုနာဟာ ပြင်သစ်လူမျိုးကိုကိုင်တွယ်ရာတွင် အမှားများစွာလုပ်ခဲ့ကြောင်း မကြာသေးမီက ဝန်ခံခဲ့ပါတယ်။
